港產玩具昔日外銷全球，香港曾經是個輸出快樂的地方。輝煌的Toy Story隨着工廠北移落幕，不過港產玩具帶給我們的童年回憶，總係來回又折返，好想再玩。以下經典玩具，你又玩過未？
1.換衫公仔紙
2D平面的換衫公仔紙，平過barbie公仔多多聲，一樣滿足女仔鍾意靚衫的慾望，窮妹恩物。
2.膠兵器
啱男仔玩的平價之選，一定要數士多買到的膠劍。小小一袋其實唔只得劍，仲有箭，有斧頭等兵器。
3.西瓜波
曾令細路在屋邨走廊以及街頭巷尾大混戰的紅白相間西瓜波，原來佢係由蔣元秋，呀，係蔣麗芸老豆蔣震發明！
4.膠水槍
五顏六色的玩具水槍，細細把，用來當暗器射人都咪話唔陰濕呀！
5.吹塑公仔
超經典，勁恐怖的吹塑公仔，個個好似中毒咁款，仲要披口，點解以前啲細路咁大膽唔驚。
6.火柴盒車仔
有超過60年歷史的Matchbox火柴盒車仔，曾經响香港生產，好多人細個都玩過，仲會越儲越多，為佢大出血。
7.人力車
60年代的人力車玩具，充滿地道香港味。油畫包裝盒都畫得一絲不苟。
8.Moon Man 001
1969年人類首登月球，太空玩具唔再只係設計師的幻想。這隻Moon Man公仔據聞仿照當年上月球的太空人岩士唐而製，但個樣未免太搞笑了。
9.鐵皮玩具
60、70年代曾經非常流行，當中最經典嘅就係鐵皮機械人，上鏈後仲識行呢！
10.星戰figure
70年代尾，電影《星球大戰》大受歡迎，太空玩具進入蓬勃期。香港製造的主角figure十分精緻。
記者：葉青霞、劉東佩
