家吓經濟唔好，花錢都要勒住勒住，就算係一啲每月必要嘅開支，減得就減；好似手機月費，講梗每月都要畀兩舊幾水，有時上網數據用過龍，又要加錢，一年計起嚟都唔少錢。啱啱收到老友通知，話Smartone推出咗一個全新手機限速「窮人無限數據上網plan」優惠計劃，講緊月費88蚊。
月費88蚊，真係慳唔少，費清即刻click入去Smartone個網 www.smartone.com/88online 。呢個窮人plan「貼心智能手機計劃」，只要新客戶上台或者現有客戶加開新線，即日起到下月1日到Smartone網頁登記$88「貼心智能手機計劃」，簽約12個月，唔單止可享本地無限數據，仲可以獲贈100蚊嘅 Haagen-Dazs 禮券，或者係228蚊 SmarTone 旅遊數據咭（日本/台灣/新加坡/馬來西亞/印尼適用）。窮人plan包埋2,000通話分鐘，數據用量不高於384kbps。除咗要交88蚊月費，仲有每月18蚊行政費，總共106蚊啦。
講到呢個價錢，Sun Mobile依家都有一個叫「4G隨時用數據服務加強版」窮人plan，月費一樣係88蚊，另加18蚊行政費，都係106蚊。但講到上網速度同通話時間，Sun Mobile稍勝，每月首3GB最高下載速度係42Mbps，之後會被降至上限384kbps，每月通話時間就要3,700分鐘。
兩個plan對著幹，Smartone就送雪糕，Sun Mobile數據用量同通話時間好啲，你諗你啦。
費清＃要生計，也要生活＃毋忘初衷