喺里奧女子水球決賽，美國以12:5擊敗意大利成功衞冕呢一面金牌之後，出現咗一幕感人場面；成班美國女將首先將教練阿當柯里克里安推落泳池慶祝，然後喺頒獎禮上，逐個人將金牌掛喺阿當條頸度。點解呢？原來喺奧運開幕前兩日，阿當嘅哥哥柯里克里安突然逝世，佢即刻飛返美國陪家人，之後又趕返巴西教波，所以球員都好多謝佢。