【本報訊】九龍灣淘大時昌迷你倉四級火慘劇，今剛滿兩個月，現場雖已解封，但《蘋果》發現受火災影響的逾1,000個時昌迷你倉租戶仍未准進入災場點算損失，同時有關方面卻已開始清理現場，工人連續多天將租戶的物品運走，部份燒過或熏黑的物品被當作垃圾載走，有租戶不滿時昌要求他們簽署授權書，控訴時昌不但無安排商討賠償，還不讓物主清點財物便強行清場，完全不合理。
記者：莊建鑫 黎少英 龔蕙芝
「眼見啲工人呢幾日清走儲物倉嘅嘢，當垃圾咁丟落環保斗，但有啲係完全冇燒過。」6年前起租用3樓約80平方呎迷你倉的楊先生，剛好住在附近，近日行經淘大工業村見時昌不斷清走貨物，包括旅行篋、紙箱、文件等，他感到不妥：「外表係冇燒過，最多可能係濕咗……可能對倉主係好重要，但佢就咁當垃圾丟。」
楊先生所租的儲物倉擺放了不少絕版模型，總共有200盒，連同其他舊相、電腦及維修工具，損失至少30萬元；他拒絕簽署時昌發出的「搬倉通知」，因為通知書同時訂明授權時昌搬走物品到油塘迷你倉，但不會負責搬運時造成的損失。
倉主大嘆想看「屍骸」
楊先生相信即使是已簽署通知書的租戶，亦不會同意時昌丟棄沒燒毀的物品，「租得倉一定係存放有用嘅嘢，點會睇都唔睇就畀時昌棄掉物品？」但時昌不讓租戶到場點算物品，他慨嘆即使物品付諸一炬，也想看看「屍骸」：「都想睇吓啲嘢，因為有金屬嘢，都想知道仲有冇剩！」至於賠償問題，他說：「時昌表明唔會賠償，除非租倉時曾買保險，才會代為跟進。」
記者現場所見，有時昌租戶欲衝入大廈內，其中徐太就被職員阻擋：「我經過見到有人入去搬嘢，想去睇下自己啲嘢，佢哋話唔得。」她以月租千多元租2樓一個倉擺放冬季衣物等物品。現場大廈樓高7層，有5層為時昌迷你倉，每層有200多個迷你倉，其餘兩層有部份單位亦由時昌迷你倉租用，受影響租戶逾千。
「冇眼睇呀，啲鹹水浸到全部機都唔要得，好多都發晒霉！」大廈4樓非時昌租戶的Hi-Fi發燒友余先生坦言，月初到過事發單位，看到自組的膽機王、音響器材，以及心愛的3,000隻黑膠碟和CD，全部化為烏有，損失過百萬元，剩下一殼眼淚。但由於余先生的單位是以每月2,000元向業主陳先生租用，而業主直言無買保險，損失無從追討，余先生感徬徨無助。
非時昌租戶獲准入內
同樣非時昌租戶的4樓租客、水電裝修工程公司老闆陳炎銘亦大嘆血本無歸：「啲風炮、電鑽，所有架生都係金屬，俾啲鹹水浸完，全部唔要得！」他坦言做裝修工程30年，10年前起在該工廈租用2,000呎單位，除了放置工程工具，同時亦出租8個迷你倉，每個倉成本約4萬元，他粗略估計損失至少數十萬元。日前他在業主協助下，曾到單位拍照，只見現場滿目瘡痍，漆黑一片，到處積水，養有大量蚊蟲，「我只係倒咗啲水，清走雜物，啲重型工具因為冇𨋢根本搬唔到！」至於賠償問題，他亦因沒有購買保險而擔心賠償落空，「𠵱家都唔知點？求助無門，只有等業主回覆！」
