新公司騎師祈普敦抵港復課後，雖操過不少大摩的馬，但多以中班馬為主，摩廐高班良駒似要等雷神莫雷拉返港讓他主理。
不過，這天祈普敦卻首次過檔摩廐99分準一班馬「精氣神」，在大圈快跳一段，隻馬走起嚟姿態輕鬆，步伐硬朗，唞暑後顯得更強壯。「精氣神」上季才開始服役，已取得2冠1亞1季佳績，在6月二班田草1800米屈居亞軍一役，只敗給當時跑出全港紀錄時間的「太陽喜喜」頸位，可見「精氣神」亦實力驚人。最後一仗田草2000米落第，純因發力嗰陣受困，運氣欠佳。
祈普敦如果真係取得「精氣神」帥權，今季分分鐘人馬齊勝出大賽，最怕敦敦有得操冇得騎，只變咗雷神嘅助手。