石澳十年一度既太平清醮，今年擇定11月9至12日舉行。醮期為祈求神明庇佑，石澳居民、參觀或祭祀者必須齋戒。即係話，到時去到石澳嘅遊客，要入鄉隨俗，就算BBQ都唔好燒雞翼、豬扒，燒粟米、棉花糖呢啲素食好嘞。
傳承200年 港島唯一
負責統籌今屆醮期活動嘅石澳居民會會務顧問謝志興話，石澳海灘係嬉水燒烤熱點，過去醮期曾有居民因齋戒與BBQ嘅遊客爭執。今年會特別提醒石澳食肆，醮期暫停售賣燒烤包。八方噚日入石澳遇見幾個無肉不歡去石澳BBQ嘅青年男女話，最鍾意燒腸仔、燒雞翼，食齋唔啱佢哋，寧願避開石澳醮期。
定居石澳嘅外籍人士阿Sam，唔只入鄉隨俗守齋戒，仲會為大會做攝影師。佢話，最鍾意玩滑浪，太平清醮都係想保平安箒。
石澳居民會委員李威翹話，石澳太平清醮係港島唯一傳承200多年，到時會有飄色、巡遊及神功戲。不過唔似長洲每年太平清醮演變成旅遊活動。石澳太平清醮今年繼續邀請前立法會議員楊森做主禮嘉賓，皆因當年全靠楊森反對政府清拆石澳村，難怪石澳居民毋忘呢位民主黨大佬嘅大恩大德。