嘩嘩嘩，男士請準備大量紙巾，今個星期會嚴重失血！
平時林芊妤（Coffee）已經好鍾意放啲性感泳衣相上網，唔係騷香肩就係露下腰，當然唔少得嘅梗係一對長腿同一條好成功嘅事業線啦。啱啱Coffee更新微博，唔係放相，今次係玩升級版，佢貼咗條着住唔同比堅尼嘅片，前後總共換咗5套比堅尼，仲套套都非常惹火，鼻血點止都止唔住。
但流完鼻血要好好休息下，因為Coffee昨日同《蘋果》講之後陸續有嚟：「其實平時好多人都問我，想我分享下啲比堅尼有咩款式咁。所以我拍咗條片，示範好多唔同類型嘅比堅尼，不過呢次只係花絮，正式會喺星期六放上YouTube。」Coffee仲話：「其實我只係show咗冰山一角出嚟，但已經擺到成枱都係。」