最近梁振英吳克儉或者中聯辦都紛紛開火，聲稱禁「港獨」思想於校內散佈，十足十電影《十年》嘅情景。不過好在屢受打壓嘅《十年》，已經通過台灣金馬獎初選，進入複審。
《十年》今個月頭喺台灣上映，暫時票房都唔差，而噚日公佈台灣第53屆金馬獎初選評審，《十年》順利通過初選進入複審。《十年》單元之一《自焚者》導演周冠威噚日接受電話訪問，佢話：「雖然只係初選，仲要等入圍公佈，但成班人都已經好開心。最後係咪入到圍參加金馬都係平常心。」
如果最後真係入圍金馬獎角逐，相信會步香港電影金像獎後塵，畀內地全面封殺唔准直播，假如贏埋，應該會喺得獎名單中被消失㖭。當然𠵱家一切言之尚早，頒獎禮入圍名單要到10月1日至公佈，金馬頒獎禮就喺11月26日舉行。