【本報訊】外判商發難，聲言要聯合苦主找追數公司追欠款，對於爸爸譚華正一手創立的老字號四分五裂，被踢出局的譚浩瀚（圖）表示心情難過又複雜，只因南華多年來在業界均信譽良好，從無拖數拖糧，「你可以問吓啲行家，我哋喺行內嘅口碑向來好好，好多判頭亦樂意同我哋合作」。
「就當自己係老夥計」
短短兩個月內被逐出九龍塘大宅及公司董事局，又被父親登報脫離關係，有人覺得他一無所有，這個做過電視台編導、大學修藝術的太子爺謂已經看開。「出事之後，有啲朋友安慰我，就當自己係老夥計，人哋唔需要你要炒你都無辦法」。他表示有手有腳，可以自立，正努力找工作，「好多朋友都有工介紹畀我，發生咗咁多事，可能一邊休息、一邊睇吓有啲咩適合自己，我好好彩，啲朋友都對我好好」。
有「霓虹燈大王」之稱的譚華正，近日成新聞人物，只因獨子譚浩瀚與新婚太太陳書琴鬧糾紛，令大好家庭及一手創立的老字號四分五裂。員工表示，過去兩個月公司運作幾近停頓。
■記者呂麗嬋