【本報訊】談到情史，「風流才子」蕭若元身邊的女人想必「10隻手指都數唔晒」，但蕭若元形容自己「只係有限度風流，次次都只係嗰幾個女朋友，大家都知」，其中一個原因是自己怕老婆。
蕭若元當年與第一任妻子結婚三年，生下一子一女（定一、定欣）後離婚收場，他口中的「幾個女朋友」相信就是之後的「才女」白韻琹及「影后」葉德嫻，但他沒有直接提及，只說「You know who，因為佢唔想俾我提佢個名」。1989年與現任太太侯麗媚結婚，再誕下兩個女兒（瑤瑤、雙雙）。
提到「風流」二字，蕭若元隨即指自己不算好色，「坦白啲講，係富豪圈子入面，唔好話大富豪啦，喺小富豪入面，我幾乎唔識得邊個係冇女朋友或者小三，我就係呢啲人……當然因為我老婆惡係其中一個原因。」
蕭若元大仔蕭定一曾經講過，「我啲女係要去溝嘅，佢（蕭若元）啲女係自己撲埋嚟」，那這位風流蕭才子現時是否已經修心養性？未必，他指現時每日仍「溝住幾條女」，即是他老婆、三個女及孫女。