除咗硬性新聞，唔少網民都想知若蘭BB鮮為人知嘅一面？有網民問佢，最like嘅香港地道食物係乜？若蘭BB自揭最愛薑汁撞奶，唔通知道養顏，食得多會靚靚？至於最愛嘅地方則係志蓮淨苑同港島中部嘅金馬倫山。
其實喺直播開首，主持人就話若蘭BB為學廣東話下不少苦功，要即場測試，若蘭BB聞言即刻用廣東話話：「哎呀，我唔識講廣東話，好難講廣東話。」又話：「其實我好開心，今日同大家做facebook live。」問及任內最大挑戰，佢皺眉話喎：「講廣東話，因為講廣東話真嘅真嘅好難好難。」
離任在即，佢坦言最懷念香港嘅節慶，尤其農曆新年行花市及中秋節大坑舞火龍。直播尾聲再用廣東話同港人道別，「香港係一個好好好特別嘅地方，所以我都會好唔捨得香港」。