被視為支持熱普城嘅網媒「本土新聞」，噚日突然「爆料」，話台灣新政黨時代力量，會派立委嚟香港為青年新政候選人站台，搞到政界中人議論紛紛；但冇幾耐之後，時代力量就喺fb出聲明，澄清冇呢件事，又話支持香港民主，但冇討論過係咪支持個別政黨喎！
成員未必可入境
本土新聞其後亦話報道只係引述青政候選人（新界西）黃俊傑說法，未有向時代力量求證，對此致歉。
八方就呢件事，問過喺新界東參選嘅青年新政梁頌恆，佢就話會同時代力量傾，之不過呢，佢估對方嘅成員未必入到境。
咁又係，如果唔提早「宣揚」，或者仲有機會可以有啲唔出名嘅時代力量成員嚟港，但𠵱家全世界都知嘞喎，相信冇乜機會咯。該區其他參選名單，請參閱本報立會選戰網站 http://hk.apple.nextmedia.com/legco2016/region 。