【本報訊】蕭若元願意出售易還財務（8079），不過由他一手創辦的網台《謎米香港》，即使明年正式退休，他仍然留在自己手繼續營運，「keep（保留）返呢樣嘢做紀念，謎米精神係知識傳播。」誰更重要，一賣一留便知分曉。
堪稱香港網台之父的蕭若元為高收聽率極感自豪，「作為最高級評論員的肯定，就係睇（英國）脫歐。如果你上YouTube，一打開呢兩隻字，都係我條片行先，分三段講係去到27萬人睇。」「台柱」蕭若元退休即會令《謎米》廣告插水，「如果我唔做謎米，又唔做《最新蕭析》（時事短評節目），嗰陣估計收入會跌七成，𠵱家我做返《最新蕭析》，（收入）只係跌咗五成，仲係profitable，所以要養住個台，都係要做返《最新蕭析》……可能過多一兩年都唔做。」
「謎米輸贏好細，未宣佈退休前，係run（營運）五十零萬，而家run緊十零萬嘅預算，係substainable（可以持續）。」他又指，日後出售易還財務後，會將部份款項用作謎米的營運，謎米亦會繼續尋找好主持及開拓新財路。