英冠開咗半個月，布力般流浪嘅守將沙恩杜菲絕對係新球季嘅黑仔之王！上周六布力般作客輸畀韋根0:3場波，杜菲擺咗烏龍，賽後佢嘅twitter俾班幸災樂禍嘅韋根球迷轟炸。但係有乜衰過擺烏龍？就係一場擺兩個，喺周三對卡迪夫城場波，杜菲攻入兩球，但兩球都係烏龍，搞到球隊最後輸1:2！真係黑到震，但下場冇機會再擺烏龍，因為佢完場前被罰紅牌，下場停賽。