譚小環的保險才俊老公蔡強榮（Eric）早前流出夜場咀女舊照，激嬲小環，但一切雨過天晴，兩公婆和好如初。Eric日前與小環及她的雙親遊台灣，有指Eric乘機箍煲，其實這次行程年初便計劃好，一行四人稍後又會到曼谷吃喝玩樂。
不過有周刊昨日爆料指小環在行程中全程面燶燶，疑似未嬲完老公，小環昨在電話中說：「台灣好熱，我熱到笑唔出。我哋冇事，多謝關心，唔知係咪周刊揀相嗰個人覺得我唔笑cool啲型啲，所以專登幫我揀呢啲相。」Eric全程做阿四招呼老婆及外父外母，他也說：「我不嬲都好錫屋企人，服侍周到。」
採訪：楊定