今屆立法會資訊科技界功能組別選舉由民主派候選人莫乃光對建制派候選人楊全盛（圖），業界組織「前線科技人員」將於今晚7點半舉行論壇，原本兩位候選人都承諾出席，但楊星期一突然反口，以「日程安排」為由臨時甩底，拒絕面對業界質詢，令搞手相當憤怒。
前線科技人員本嚟做好宣傳，仲喺佐敦突破中心預訂場地，有近200名IT界選民報名，點知楊突然走數。前線科技人員話已即時請楊再考慮，但對方堅持唔出席。前線科技人員發聲明，話誠信係從政基本要求，對楊突然反口感到愕然，「對他（楊全盛）如此不珍重與選民會面的機會表示遺憾」，但佢哋話論壇當日「擺空凳」，歡迎佢回心轉意。另一候選人莫乃光則應約出席。