威爾斯球星加利夫巴利，踢完歐國盃後唞咗個幾月，終於喺周二回歸，代表皇家馬德里出戰熱身賽。巴利休息期間，佢個全球最高身價地位已經被保羅普巴代替，不過呢啲虛銜嚟箒，落場踢好波先實際。場波皇馬以5:3擊敗法乙球隊蘭斯，巴利正選上陣踢咗64分鐘冇波入，不過教練施丹都係旨在畀佢踢番感覺，為呢個周末就開鑼嘅新一季西甲聯賽做準備。