【本報訊】「因為要輪班，佢喺機場做嘢，所以選擇以電單車代步，我提過佢揸電單車好危險，佢同我講『放心，我揸車好慢』」。與被車死鐵騎士胡文源相識30年的李先生，昨談及好友生前往事黯然神傷，表示希望真兇可得到應有制裁，讓好友早日安息。
李說30年前在尖沙嘴做寶石打磨學徒時認識胡文源，共同工作數年後，李往內地發展，胡就在紅磡一店舖工作達10年，其後因行業式微，胡轉往機場工作。李形容花名「Woman」的胡文源為人老實，「係好平穩嘅人，我哋乜都講，有提過點解唔結婚，佢話要嚟就嚟，都行咗大半世啦，睇化咗」。兩人閒時會結伴出遊，去年才一起去過台灣墾丁遊覽，「嗰陣佢都有揸電單車，好穩陣」。
■記者朱雅霜