赫特喺曼城冇運行，熱刺門將洛里斯都慘，佢唔係被打入冷宮，而係喺英超揭幕戰就受傷，未來一個月想落場都唔得。洛里斯喺上周六熱刺作客1:1賽和愛華頓，踢咗35分鐘就因為大腿受傷要退下火線，由禾姆入替。經檢驗後，洛里斯預計要缺陣約四星期，未來兩場英超對水晶宮同利物浦就唔使預佢。問題係下個月中歐聯分組賽開鑼，佢會唔會趕得切候命呢？