由細到大，任何人都有機會被人改花名。羅理雅騎姿獨特，在港被賦以「炒飯哥」稱號，花名或許帶點諷刺，惟他卻沒有半點介意，還透露自己有另一個花名。在現實生活中，羅理雅炮製炒飯原來都有一手，食到其乖仔金寶舐舐脷！
記者：林湛穎 羅：羅理雅 金：金寶
記：無論圈內外嘅人都用「炒飯哥」稱呼你，但你喺澳洲策騎嗰陣，有另一個花名，叫做「Naughty」（頑皮），你鍾意邊一個多啲？
羅：「炒飯哥」比較搶耳同獨特。但我計劃是有朝一日不單些被人叫做「炒飯哥」，我想被人稱為「特別的炒飯哥」。至於「Naughty」這名字喺90年代，當時我20歲都未夠，仲係見習騎師，有次喺維省跑馬，被當地殿堂級騎師Michael Clarke（曾奪86年墨爾本盃冠軍）改嘅，當時佢嘗試後面內側一個窄位穿上，但我冇俾機會佢，大家力爭到底，之後就被佢笑我好「頑皮」，自此當地圈內人就用「Naughty」稱呼我。
講開「炒飯哥」，呢位澳洲騎師又怎樣看炒飯這東西？
羅：食太多炒飯不太好，對你的體重都當然不好，但我幾鍾意食炒飯，對我不成問題，不會因此而大幅增磅。
金：爸爸的炒飯風格非常出眾，每次都炒出鑊氣十足的炒飯，他的廚藝不錯，知道自己正在做甚麼。他花了很多時間才炒得如此專業，他懂得掌握時間，爸爸廚藝很好，如騎功般犀利馬圈內應無人能及，而我亦很喜歡爸爸煮的食物。