高伯新在港從練五季，當中各季排名分別係第7、10、12、16及21位，走勢持續向下，上季更只取得16場頭馬，頭馬數字首次跌破2字頭。高廐目前養馬40匹，少於比上季歇暑期間，兵力滑落之下，情況難免令人擔憂。
然而他絕對係一位喜歡「以快打慢」之練馬師，對上兩季開鑼日均有馬贏，上季更加憑「金龍」及「旅遊仁義」在首日賽事起孖，在九月份累積三W，不過十月卻交白卷，接着在十一月份又有「旅遊仁義」、「大運財」及「金龍」勝出三W，之後十二月再白果，去到一月才重拾射門鞋又交出三場頭馬，包括憑「大印銀紙」勝出董事盃，明顯見到經過一輪攻勢之後便要回氣，大家在季初追捧高廐馬時必須要注意呢一點。
由二月至四月均各贏兩W，表現尚算穩定，反而踏入季尾階段，五月初憑「善者」取得第16場頭馬之後，最後16次賽事都食白果冇馬贏，似乎見馬房兵力不多，加上已贏夠數畢業，索性留力新季再搏過，所以相信好大機會高廐在九月又會搶攻。