高登仔名作《雞，全部都係雞》近期又變為城中熱話，事關盤菜瑩子日前萌爆咁自high自彈自唱，以超高音再度演繹呢首名曲，即刻又變成大家嘅洗腦歌。「雞，全部都係雞...雞，全部都係雞...雞，全部都係雞...」無限長loop，直到永遠，阿們。
要忘記一首洗腦歌，最好辦法就係令個腦灌入另一首洗腦歌。適逢係農曆七月十四咁猛嘅節日，一向唔驚嗰味嘢嘅朋友，不妨聽吓《蘋果動畸BOX》獨家試唱嘅《鬼，全部都係鬼》，包你洗腦之餘，仲可挑戰膽量！片中咁多位都係公認為「恐怖之人」，又或者好似片尾嗰位咁，永遠都神憎鬼厭！
溫提大家，夜歸嘅放工友就唔好聽呢首歌喇，你知啦，時運高低嘅嘢，預料唔到吖嘛！
《鬼，全部都係鬼》（原曲：《雞，全部都係雞》）
填詞：阿瀝
主唱：高斯馳
鬼 全部都係鬼
鬼 全部都係鬼
鬼 全部都係鬼
鬼 全部都係鬼
鬼 全部都係鬼
(下刪20行歌詞......)