【本報訊】前健美運動員鄭家達任職健身教練的胞弟，涉毆打並以裸照恐嚇前女友案昨續審。事主供稱被告曾「偷偷哋響我手機裝追蹤器」，又指個人病歷只有同居7年的被告知情，「同我sex先知嘅嘢，係整容手術嘅後遺症」，但事後遭被告當時女友、即其現任妻子放上網。事主母親指被告曾在電話承認毆打事主，更稱：「食我嘅住我嘅，我打死佢都仲得呀！」
記者：楊家樂
事主X供稱，前年4月最後一次遭被告鄭家威（38歲）襲擊後，曾自拍傷勢照片，「提醒自己唔好心軟同返鄭先生一齊」，但因怕被告公開她的裸照，故沒即時報警。
事主稱手機被裝追蹤器
同年8月，舊同事通知她指有人在fb瘋傳她的私人物品照片、病歷及侮辱她的言詞。X認定有關內容是由被告時任女友上載，而病歷亦只有被告知情，故肯定被告有份。由於擔心被告終有一日公開她的裸照，X遂聯絡律師，並且報警求助，其後更決定進行民事索償，前後花去10萬元律師費。
辯方質疑，X只因被告在網上宣佈迎娶時任女友，才決定報警。X否認，「我發誓我冇主動睇佢facebook，亦唔知佢結咗婚」，堅稱庭上才首次聽聞。對於辯方指X曾將與同事的合照傳送到被告手機，X否認謂「我肯定係鄭生響我手機搵到啲相，然後send返畀佢自己」，認為被告此舉是因不滿她與新同事外出午膳，揚言「同鄭先生一齊，好似監禁同受到控制」，更偷偷在她的手機安裝追蹤器。
同為健身教練的X否認先出手打被告或曾還手，「未試過、未諗過打佢，因為佢太大隻」，又否認曾用𠝹刀指向他或自己，「我扮自殺都只係影住個洗手盆同幾滴血，我咁貪靚點會整親自己」。
X又供稱，最後一次遇襲時得知被告與她的母親通電話，故特意「喊得大聲啲」，希望母親聽到。X母昨亦供稱，當日接到被告來電叫她接走女兒，聽見女兒哭聲，遂問：「係咪又打我個女？」被告承認，X母斥責被告：「你又打佢，出面又有女人，簡直唔係人。」她指被告回應：「你唔嚟接佢就算，唔好諗住報警，唔係我打X死佢！」隨即收線。聆訊今續。
案件編號：DCCC263/16