今年奧運全城撐港隊代表，每場賽事都掀動港人心，本身係游泳健將嘅會德豐（020）主席吳宗權（Douglas）都有留意比賽。噚日會德豐業績會，出名熱愛游水又係「公益金會德豐百萬泳」活動籌委會主席嘅Douglas話，睇咗幾場游泳賽事，對於港隊嘅表現，佢更加直竪母指表示支持。
今年奧運游泳賽事可謂一地花生，「來自新世界的王」孫楊出醜於人前，跌破一眾內地網民嘅玻璃心，當見到藝人如前港隊代表方力申同男神王力宏先後讚美國「水神」費斯同新加坡新星史高寧，隨即找上門表示嬲嬲豬，喺微博上面發爛渣。今次Douglas力撐港隊唔知會唔會出事呢？