部份本港服役時間短暫的頂級馬，並非因傷患而提前結束競賽生涯，而係有更好的前途，講緊係「幸運馬主」及「事事為王」一對前打吡盟主，因贏過大賽具備配種價值，選擇去做種馬。
「幸運馬主」2002年運港，首季已獲三Win，隨後一季先勝出香港一哩錦標，再贏香港打吡，由於仍是雄馬，所以決定退役轉任種馬。至今已有13匹子嗣曾運港出賽，成績最好乃「幸運勝利」，共贏過五Win，可惜已退役。
至於「事事為王」在港贏過打吡及香港盃兩場一級賽，當然具配種價值。結果於13至14馬季後引退，但暫未有子嗣運港作賽。而馬主潘蘇通近期養馬憾事，自不然係「大運財」遠征法國不幸在陣中斷腳身亡。