鄭俊偉曾於12至13馬季贏40W排第六，乃練馬事業之高峰，不過之後每季均贏不足20場，上季只取17W，新季估計頭馬數字有力挑戰2字頭，因為目前廐內養馬四十多駒，比上季暑假時多，而且當中共有近廿駒屬減分多之五班馬，憑住這批五班子彈，絕對可以替馬房中興。
鄭廐五班值得留意嘅馬甚多，其中以「勁飛駒」最可捧場，此駒出道初期次次大敗，不過五月份初次降入五班出賽並加配眼罩上陣，表現即脫胎換骨，當時角逐泥地1200米，縱使沿途被頂在四叠望空競跑，蝕位極多下仍追入一席亞軍，此役可算暴露了真正實力，翌仗跑草地不良於行才大敗不能作準，新季只要一見跑番泥地賽便要吼實。
另外，「你同我定」至今三次上名均跑谷草1000米所得，包括總場次408轉鄭廐初出即勝，贏完交代之後刻意保留實力，為新季爭功鋪定後路，目前評30分比贏馬時只多兩分，抽得好檔角逐谷草最短途賽事仍可坐位望贏。