呢幾日，財演界睇住吳家順與郭家耀嘅是非剝花生，不過呢套戲轉頭就散場了，吳家順噚日已經離開中國銀盛資產，而郭家耀就升為銀盛董事。
是咁的，吳家順與郭家耀本來都係銀盛芬佬，據聞各有各嘅基金，吳家順早幾日就忽然喺自己facebook發炮，鬧爆同事郭家耀搞小動作，影響佢個基金運作。
吳家順當日回應話，已辭去董事一職，只會留喺公司管理基金。去到噚日，佢已經離開咗公司，銀盛晚上就出新聞稿，話為配合公司新業務發展，升郭家耀做董事，正式加入董事局。
呢件事再次證明facebook嘅影響力真係好大，冇乜事都係做花生友就好。