嗱,話晒家陣唔再係啲小球會領隊,已經係代表英格蘭足球,所以英格蘭新帥「大儍」艾拿迪斯,都幾注意自己嘅形象,決定唔做一間博彩公司嘅宣傳大使。初頭大儍話好欣賞呢間公司嘅遠景,話每年會撥百份之20嘅盈利發展青少年體育,但有報道揭發原來呢間公司背景複雜,幕後老闆以前曾經用財技掠水,搞到小股東同投資者損失超過400萬鎊(約4,000萬港元),所以大儍即時同佢哋劃清界線。