近年社交網絡流行，各大公司甚至政府機構的「小編」閒時都不忘「出post抽水」吸睛呃like。美食博覽周一閉幕，香港貿發局在facebook上載一段美食博覽宣傳片，雖然只是短短20秒，不但沒有造成「關公災難」，更被網民大讚「靚抽」，一天內已有過千讚好，點解呢？
貿發局原來以網上最近爆紅歌曲「雞，全部都係雞」的曲詞為美食博覽宣傳，並在短片中加插圖片，以走馬燈方式，向網民介紹博覽中與雞有關的食品，包括冰鮮雞、雞精、雞扒和雞蛋等，名乎其實「全部都係雞」。相關連結： https://www.facebook.com/hktdc.hk/?fref=ts 。
「雞，全部都係雞」歌詞源自高登討論區網民「秋風掃落葉」的帖子，「秋風掃落葉」最近出post，內容不斷重覆「雞，全部都係雞」，有網民意外發現將「雞，全部都係雞」配上古典音樂《夢中的婚禮》樂章，歌詞不斷只重覆一句「雞，全部都係雞」，竟然相當吻合，內容無厘頭但相當洗腦，更自彈自唱製作影片，瞬即爆紅。
【網民點睇】
Ethan Ip：TDC都玩 世人已經阻止唔到呢個熱潮sosad
Abdiel Adams：ok u win 個like抵你賺
Zion Cheung：原來你地係膠登餓底