里約奧運喺周二舉行女子雙人10米台決賽，不過所有觀眾嘅焦點應該都唔係邊一對組合拎到冠軍，而係「典解」池水會一夜之間由藍色變成綠色？作為里約奧運嘅場館之一，瑪莉亞蓮克水上運動中心會舉辦跳水、韻律泳同水球比賽。呢個場館喺周一舉行男子10米雙人台嗰陣都好地地，點知周二就突然出事，舉行跳水賽事個水池啲水突然變咗色，啲「綠水」望落勁似有毒，真係好得人驚。