方嘉柏馬房高班處女馬「天合」一直公認質素不錯，但在港際遇相當騎呢！
「天合」當年於澳洲三戰兩冠一亞，角逐1200米G2丹山錦標跑第二，僅負於金拖鞋大賽亞軍「勝利樂園」，所以來港後被評90分起步，是否偏高見仁見智。可惜此駒因為長期輸得唔遠，而且不時跑二至五名，減分速度超慢，上季6月最後一仗仍評90分，上月總編班才減至83分，換言之經歷四個賽季，累減七分咁大把。隨住年紀漸大，戰鬥力慢慢下降，更越嚟越難贏，在港25戰獲三亞五季，成為另一匹老牌處女馬。
「天合」馬主張福滔醫生對上所養一駒正是曾奪兩屆最佳短途馬的「天久」，相信他亦估唔到「天合」屢拼不勝，竟然仲係處女馬。尚幸「天合」如再減多三分至80分可落三班跑，希望對此匹七歲馬帶來幫助。