想幫屢拼不逞之愛駒打開勝利之門,當然有好多方法,最簡單一種係轉馬房,但又唔係百分百奏效,其中「香江」系三駒正是最佳例子。
馬主陳志明係港澳大馬主,但個人名義在港養馬卻運氣平平,歷來只憑退役馬「揚威香江」在港贏過一WIN。陳志明現役香港馬共有三駒,分別係「香江穩勝」、「香江新星」同「香江永勝」,原本全屬告達理,全部仍未能在港打開勝利之門,而且分別安排於上季轉倉。成績較好算係「香江穩勝」,拉入蘇保羅馬房,四戰攞到兩亞一季成績,其餘兩駒轉倉後都係未有建樹。究竟「香江」系馬幾時可以再於香江建功,真係要問個天先知道。