做開毛衫同紗廠嘅互益集團（3344），啱啱完成配股，就公佈新人事安排，搵來填詞人趙旭做非執董，好鬼離奇。
介紹番，互益話，呢位趙旭除咗係填詞人，仲係ICP商業模型嘅創始人同電子商務先鋒領導者。上網搜尋，趙旭仲係蘇州國實股權投資中心執行合夥人，應該係創投基金之類。
國實投資過一部叫《96小時》嘅紅軍長征片，超旭亦粉墨登場，飾演紅軍政委，真正出錢出力，娘唔娘就另作別論。
講開又講，趙旭嘅微博有好多同明星嘅合照，上年底，佢話自己創作嘅歌搵到內地《我是歌手》第二季歌王韓磊開腔㖭。可惜華華連陳奕迅嘅歌都好少聽，認真失覺晒。