【本報訊】71歲西醫李澤民在鑽石山富山邨診所猝死後，消息昨日傳遍社區，不少街坊感愕然和難過，大讚李醫生為病人福祉奉獻畢生，仁心仁術。同窗好友郭任達醫生更指無法接受李醫生突然離世，盼其妻子堅強面對。
李澤民醫生於1968年在香港大學畢業，為港大內外全科醫學士，亦是愛丁堡皇家外科醫學院院士。同屆畢業生不少已退休，但他繼續開設屋邨診所服務居民，生前最後一天亦心繫病人，前晚到診所打點時突然暈倒，送院不治。
同窗：我好崇拜佢
認識李醫生近半世紀的郭任達醫生，昨向《蘋果》表示：「李醫生係好醫生，我好崇拜佢！」原來兩人為同窗兼宿友，曾一起在廣華醫院工作，郭醫生表示：「佢（李醫生）救過好多人，都同我媽媽做過手術。」李醫生在富山邨為居民服務，收費便宜，「一做就做咗40幾年」。
李醫生一生堅持行醫，同樣在屋邨診所行醫的郭醫生感同身受：「退咗休就唔係醫生，服務唔到病人，（我哋）唔係講錢，係希望可以醫到佢哋。」郭又指李平日注重健康，未料他會猝死，慨嘆現只能播放着李醫生送贈的唱片，緬懷過去同窗歲月。
昨日周日李醫生的診所未有開診，街坊聞噩耗紛表難過，有網民亦留言「睇到（新聞）喊咗出黎（嚟），好醫生最後一日都去醫人」、「願意不向錢看的仁醫又少了一個，但願一路好走」。
■記者劉柏麟