美職聯喺上周五創歷史，成為首個北美聯賽喺比賽利用視像重播（VAR）協助執法。話說上周五紐約紅牛預備組大勝奧蘭多城預備組5:1嘅比賽中，戰至34分鐘時，紅牛預備組嘅費林明斯喺離門18碼左右俾對手嘅干納當奴雲侵犯，球證艾化夫判禁區外自由球，不過佢亦立即睇視像重播（圖），以證明的確喺禁區外犯規。