中環在線:詹劍崙赴「居屋小炒王」論壇 - 李華華

中環在線:
詹劍崙赴「居屋小炒王」論壇 - 李華華

今屆立法會選舉競爭激烈,金融服務界有三名人參選,包括競逐連任嘅張華峰,仲有詹劍崙同埋徐聯安,佢哋要爭取業界選票,咁啱證監會與港交所(388)就上市架構改革進行諮詢,隨即成為佢哋爭取選票嘅其中一個重要課題。
一個名為「Wakeuphk」嘅組織,今日下午就舉行論壇,邀請咗三名參選人就上市改革諮詢發表意見,呢個組織嘅搞手係有「居屋小炒王」之稱鍾錦江(Gabriel)。
鍾錦江係《新報》前副社長,早年夥拍地產炒家陳清白炒賣柴灣山翠苑單位,另外手持唔少靚物業,兩年前又曾經向傳媒介紹,點樣裝修佢喺中半山地利根德閣嘅3,000呎新居。今次佢忽然為業界成立組織,又舉行論壇,反映業界對諮詢文件嘅憂慮,唔知仲有乜後着呢?
不過,暫時只得詹劍崙應承出席呢個論壇,張華峰講明唔去,徐聯安亦好似話有事。咁到時咪得詹劍崙solo!