「去咗荔枝角公園未？有好多車厘龜捉呀」、「沙田崗背街公園成日有比卡超喎」；不少港人過去半個月的話題，總離不開交流Pokemon Go精靈情報，外國研發的實時精靈地圖PokeVision、Skiplagged等，更成為他們每日必到網站，但部分網站顯示速度慢、功能少，甚至遭遊戲商封殺，本土IT男Matthew Cheng本月6日起設立香港首個實時AR技術精靈地圖（ http://pokemon.appx.hk ），每日花逾千元、免費為香港13萬名訓練員，實時提供精靈出沒資訊，「每次聽到有人話，佢都有用我個app就好開心」；程式員的滿足感，就是如此簡單。
記者 李鈺廷
Matthew也是一名精靈訓練員，但一個無心插柳，令其網站在短短一周內火速崛起，「PokeVision只可以顯示選擇區域附近的精靈，而Skiplagged就冇得save filter，唔係太好用，所以自己寫一個工具，起初都係share畀幾個朋友，之後喺facebook share，仲有其他Blogger、YouTuber用，就變咗而家咁」。網站的過濾功能除以精靈罕有度分類外，用家更可開啟AR功能，配合Google街景方便在現場找出目標精靈，較外國不少精靈地圖優勝。
幾日之間，網站流量急升；每日竟多達13萬獨立用戶，瀏覽人次高達30萬，同時有4,000人使用，「其實應付不太來，呢幾日成日死map，如果只係加server支出太大，唯有喺code performance方面不斷改善」。Matthew過去一周，幾乎投入所有時間改善網站，更要找拍檔Wyman跟進編程以外的大小事務，務求不令一眾訓練員失望。
香港地，凡事講求回報，但Matthew造福一眾訓練員的同時，卻先要每日付出1,300元，租用Google Map程式和更多伺服器分流，應付每日30萬用家的需求，「而家就算同時5,000人用，都唔怕窒吓窒吓，瀏覽速度即時加快一倍以上」，惟5日來Matthew已花逾6,000元，「一開始絕對冇諗過會多人用，我哋一發現用咁多錢時，已經立即安排廣告，下星期會賣啲小廣告，不過廣告會以不影響功能為前提」。
在某些人眼中，Matthew可算是「廢青」一名：沒正職，靠接freelance靠維生，閒時替朋友銷售產品，即使其網站大熱，也沒想過借機賺大錢。6年來多為客人寫app寫網頁，卻首次為公眾編寫程式，不問回報，但滿足感十足，「programming係自己興趣，每次聽到有人話，佢都有用我個app就好開心」。
早前多個外國實時精靈地圖，均難逃被遊戲商Niantic封殺的命運，Matthew的港版地圖豈會例外？「我估Niantic唔會針對個別網站做嘢，而係會花1個月以上，完全解決資料被盜用嘅問題，如果佢哋全力搞，可能更快」，估計其網站3個月內便失效，隨時被封。要靠地圖捕捉罕有精靈的訓練員，看來動作要加快了。