準媽媽陳敏之與吳偉豪昨日到將軍澳新都城中心出席活動，懷孕五個月的陳敏之以厚底鞋及鬆身裙現身，手腳依然纖瘦。大會安排吳偉豪扮巨型BB，她設計口水肩，又主動與粉絲大合照，全程心情勁靚，難掩將為人母的喜悅。陳敏之表示現時食得瞓得：「口味都有改變，以前鍾意食菜，𠵱家好鍾意食肉、食牛扒，同埋以前好鍾意香水、香薰，𠵱家聞唔到，應該都係荷爾蒙唔同咗。」
陳敏之自言是活躍的孕婦，暫時會接輕鬆的節目及活動：「生之前一、兩個月先休息啦。平日我都約好多朋友high tea，老公又陪多咗、關懷多咗，孕婦真係有特權，好sweet，不過之後又做番工人。」她透露已揀12月尾近聖誕節的日子開刀生B，中文名由老公改，英文名已邀得契姐伍詠薇的哥哥改。
採訪：盧妹
攝影：陳俊強