本港現役馬匹毛色以栗色、棗色及棕色馬為主，灰馬則有54匹，亦有「灰/沙」色馬「左右逢源」及「盛勢」，以及唯一之一匹沙色馬「飛霞」。
除此之外，另一種毛色屬黑色之馬亦唔多，暫時只有四駒而已，分別係「奪冠」、「法國將軍」、「萬馬飛騰」及「彩福」。當中「萬馬飛騰」同「彩福」俱可交出頭馬，而且演出尚且穩定，尤其大摩馬房「彩福」上季曾一連四仗非冠即亞，升至二班，戰鬥力頗為強頑。
唯獨「法國將軍」在港跑過19場仲未上過名，比較黑仔。至於「奪冠」上季三歲只跑過三場，曾經跑過入前五名攞到獎金，相信唔會好似「法國將軍」咁冇料到。