伍詠薇為有線主持節目《伍姑娘真識食》二十集圓滿結束，昨日在中環錄影最後一集，現場由倫永亮和趙增熹兩位音樂才子為伍姑娘名曲《失落於巴黎鐵塔下》伴奏。伍姑娘入行二十七年，她預告未來會做導演，但會先與老公練海棠度假，她說：「我哋會去旅行，家庭生活係要嘅，我哋冇小朋友，大家協議咗一啲計劃同工作，冇小朋友牽掛，佢之後都會忙同出埠，等我叉完電返嚟再話畀大家知去向啦。」