過去經常喺網上宣揚自己「愛黨愛國」的藝人「山雞」陳小春，繼前年首次高調「從政」，以「特聘政協委員」身份，出席廣東惠州市政協第11屆委員會會議，臨近立法會選舉，小春政協亦頻頻現身，表態支持建制派候選人。
話說小春政協前日現身何君堯facebook，話要力撐參選新西的何君堯「撥亂反正」，力銷自己同何君堯「都係客家人」。
小春政協噚日又以同一套裝束，現身參選新東的民記陳克勤facebook，透露自己目前仲住喺大埔，問網民：「唔選陳克勤，唔通選陳小春呀？」唔通小春政協呢期為撐建制派忙得滯，大熱天時連換件衫時間都冇？該區其他參選名單，請參閱本報立會選戰網站 http://hk.apple.nextmedia.com/legco2016/region 。