【本報訊】奧運羽毛球混雙港中大戰，昨晚吸引大批市民在旺角街頭觀戰，氣氛熱烈。另一邊廂，其實康文署也向無綫支付了500萬元，在5個體育館設置「活力奧運觀賞站」，朝8晚11播放賽事，但原來只是重播舊賽事，昨晚港中大戰也沒有直播。體育館場面冷清，政府被斥濫用公帑，明益TVB。
記者：張文鈴
巴西奧運期間，康文署於士美非路體育館、柴灣體育館、九龍公園體育館、將軍澳單車館及屏山天水圍體育館設觀賞站，播放奧運賽事。《蘋果》記者於本周內到將軍澳單車館和九龍公園體育館了解，觀賞站內只有零星市民，當中有人在電視前閱報，甚至睡覺；觀賞站內設有的攤位遊戲更是無人問津。
一小時精華全日狂loop
記者發現，即使在早晚明明有賽事正在無綫不同頻道直播的時段，觀賞站也只在重播舊賽事；精華片段只有一小時的內容，全日不斷重複地播，而實質賽事精華只有半小時，其餘半小時都是運動員訪問。記者又發現，觀賞站播放的賽事部份是兩日前舉行的過期項目。場內一名保安員說：「朝早啲片係前日嘅比賽，夜晚先會更新到噚晚嘅。」他又指：「都有人嚟睇嘅，但唔會好多囉，夜晚有藝人咪多啲人囉。」
康文署稱，奧運揭幕首5天，觀賞站有逾2.5萬人次參觀，料最終有逾8萬人次參與。未計場地基本開支，康文署動用了500萬元公帑，收款人是TVB。署方解釋，整個活動由TVB負責策劃、宣傳、提供人手及執行，包括場地佈置、提供大型電視屏幕播放奧運精華、每晚舉辦相關的體育和文娛表演、攤位遊戲、體育示範及同樂活動等。
政府慷慨，市民卻反應冷淡。任公務員的黃先生稱，到體育館做運動時才知道場內可觀看奧運，認為若只是重播舊賽事，「上網睇都得」。從事零售業邱先生指，有留意奧運賽事，但不知道體育館可以觀看，「屋企有得睇都唔會去體育館睇」，認為活動浪費公帑。
立法會議員毛孟靜批評康文署做法是「明益TVB，益開有條路，用500萬睇重播係浪費公帑，網上都有得睇」，又指「最乞人憎係搵啲明星歌星唱歌跳舞，𠵱家係講體育，冇必要娛樂化」。她又大鬧政府不知所謂，「總之搞咗落嚟，同你講入場人次就交到功課，真係可恥」。另一立法會議員李卓人亦指：「完全唔值，睇賽事得一個鐘，好似幫TVB賣廣告咁，調番轉應該收TVB錢。」
學者：政府畀咗壟斷權佢
浸會大學傳理學院新聞系助理教授杜耀明指，今次明顯只有TVB受惠，「到底有幾多人會睇？市民都受惠唔到，冇人會想看舊賽事，對奧運有興趣都一早睇咗啦」。杜耀明續指：「𠵱家一嚿錢畀TVB，佢做唔做宣傳都得，班藝員又唔會收多咗錢，實際上咪補貼TVB，政府已經畀咗個壟斷嘅權力佢（TVB），實在講唔過去。」
