代表民協參加超級區議會選舉的區議員何啟明（Kalvin，圖），今日會搞名為「Kalvin-lunteers（即係Kalvin加volunteers咁解）」的行動，將會聯同10名義工，去香港島同九龍搭唔同嘅交通工具，大搞「扶長者」、「提醒人讓座」等行動。
何啟明噚日接受八方查詢時話，由於參選政綱包括推動社區共融，所以希望用呢啲小行動，喚醒市民相關意識，今日將同一班義工去坐天星小輪同電車，呼籲市民應該將啲關愛座，讓畀真正有需要的人。何啟明話，今次只會鼓勵「有能力人士」讓座，話自己都明坐關愛座的人，背後或有唔同需要，自爆試過坐港鐵太累時瞓着咗，要人叫先起身讓座。該區其他參選名單，請參閱本報立會選戰網站 http://hk.apple.nextmedia.com/legco2016/region 。