百富環球（327）財務總裁（CFO）李書沸前日喺分析員會議上，殺氣騰騰咁趕走麥格理分析員Timothy Lam，冷靜一晚後，佢噚日都係要出聲明表示歉意。事件另一主角Timothy Lam就因此事爆紅，好多中環人都傳閱佢最新嗰份百富環球research report。
Timothy Lam俾人趕走當日，即刻有份百富新報告，題目係「Asked to leave the meeting」，正當大家以為佢嬲嬲豬，維持「跑輸大市」評級之外，會大幅調低公司目標價，結果佢係根據計算模型，將目標價調高1毫子，去到6.4元。聞說，佢班分析員行家，讚佢為人厚道，又十卜佢之類。
李書沸喺聲明上就話會汲取教訓，繼續增加同資本市場溝通云云。呢個故事教訓大家，忍一時真係會風平浪靜，發火只會燒番自己。