何良上季因兵力所限，只勝出26場賽事，成績一般，且由於廐中高班馬不多，大部份頭馬只能靠三至五班馬取得，尤其四班賽，上季共取得14Win，佔其頭馬總數超過一半，新季何廐兵力仍集中在中下班次，相信仍會以低班賽事為取分平台。
睇番何廐目前低班馬中，最有機會再建功之馬必然係「得意財星」，查上季已在五班反彈取得三Win，路程俱為谷草1650米，且勝在跑法主動，更有利繼續搶功。雖然目前加到40分，但既可選擇在五班上陣，亦可在四班孭輕磅角逐，部署相當有彈性，應至少會有一至兩Win在手。
另一匹值得新季備忘之何廐低班馬為「大收成」，其實在港上陣17場，都好少輸得太遠，上季更於轉投何廐第五仗打開在港勝利之門，可見在四班依然有迴旋餘地，而此駒上季贏馬一仗正是在轉戴開縫眼罩下取得，可見此配備對此駒幫助甚大，新季不論角逐谷草或田草短途皆可勝任，乃何廐低班爭功分子之一。