里奧奧運村班運動員除咗捉精靈之外，仲可以捉乜解悶呢？咪係捉吓仔或者捉吓女囉。據了解，有個叫Tinder嘅交友app，喺奧運開幕之後就勁hit，使用率仲不斷上升，好似美國金牌泳手洛捷迪，同埋瑞典女泳手高雯都有用呢個app識人。用家喺配對之後，就會探測到對方嘅位置，啱嘅又就腳嘅，咪大家出嚟見吓面開心吓囉。里奧一早準備咗45萬個安全套畀啲男選手，真係有先見之明喇。