政壇多仔公公民黨陳家洛幾位千金除咗靚，讀書仲好叻！英基學校協會更新咗佢哋嘅學生喺IB（國際預科文憑）攞到嘅成績，當中提及佢哋今年有12位學生攞到滿分45分嘅成績，當中一位狀元就係家洛嘅二女綽寧Natalia。
八方早前已經知道Natalia係女狀元，但家洛話囡囡想保持低調，作為爸爸嘅當然要尊重，所以都冇公開同大家分享。但既然英基自己公佈咗，八方就錦上添花吓啦！
原來Natalia前排喺一個網站分享，提到喺英國讀完大學後想返香港做老師，事關佢讀中學時獲老師嘅鼓勵，令佢希望他朝有日都可以透過教育幫到其他青年人，好有理想㗎！