【本報訊】一連5天美食博覽今早10時開鑼，面對零售巿道疲弱，參展商嚴陣以待，首天紛推「1蚊雞」優惠刺激巿民購物慾；1元可掃走逾7,000元鮑魚，或5,000元「港女煲」連40包米粉，甚至「零蚊」獲得4,000元小刺參等。有巿民為求搶得「1蚊鮑」，連日在灣仔會展場外冒雨通宵瞓街。
記者：蔡朗清
排頭位的強哥前日下午2時已到達灣仔會展會場外，與友人輪流排隊，目標是安記1元鮑魚，「掟唔到都有獎，咁咪嚟玩吓」。即使昨晨紅雨來襲亦無嚇退他，並說首次瞓街排隊，昨晚更請了「特殊嘅假」，連日以最舒適姿勢瞓街，並拿手機看片消磨時間。
市道欠佳 減價促銷
安記董事總經理潘權輝昨午特來會場視察3.5米高「$1鮑魚許願樹」，他表示，首10名到展攤的顧客可以1元拋鮑魚福袋一次，勾上指定最高樹枝或最高者可獲168隻鮑魚，總值7,380元。潘更親自試擲，差點擲中最高樹枝，「都唔係咁難」。他指市道欠佳，會場會以優惠價促銷，部份更減價一半。
高格行首10名顧客可以1元購買內含40包NanaMee青咖喱米粉購物車，價值600元，兼可參加「擲金獅．贏LC」遊戲，最多可贏走價值4,344元的Le Creuset鐵鑄鍋套裝；市場經理陳婉君稱，優惠帶動下，料生意有20%增長。
恒興行更以「零蚊」推出「開參大發現」促銷，首10名到公眾館展攤客人，可以抽鎖匙開寶箱，大獎是總值4,000元的338支小刺參，「1蚊都唔使」，其他優惠包括台灣阿里山冷萃雪耳、台灣真味福袋等。負責人廖淑雯指，因經濟不景，決定將原價每斤3,200元的12頭巴西扎公膠，以16頭價錢發售，減幅三成。其他參展商1元產品則有鴻星的原隻乾鮑系列家傳靚湯、紐西蘭專賣店蜜糖、醉留香的水晶榴槤月餅等。
會場亦有不少特色食品，日清食品推出兩款福袋，包括出前一丁旅行袋套裝，內有15包麻油味等經典麵，連特別版碗筷套裝；合味道福袋套裝則有9款叻沙味等新款杯麵連30周年紀念變色杯。來自台灣的程班長除現煮招牌牛肉麵外，還從台灣引入土鳳梨冰芋圓等消暑美食。
