「六點過後唔好食嘢呀！」、「八點後唔再食澱粉質！」、「臨瞓先食嘢超肥！」三不五時都聽到各位減肥男女，左一句右一句減肥秘訣。瞓覺前進食真係會特別容易變肥？為尋找真相，請教營養師吳瀟娜（Lillian）。佢話瞓前進食唔一定致肥，致肥的根本原因是──當身體攝取大於消耗的熱量，就會形成額外熱量，存於身體內，變成脂肪，咁就會致肥，即係話，如果你身體全日攝取少於消耗的熱量，咁無論你幾時食幾點食，都唔會肥。
點解有呢個謬誤，認為睡前進食致肥？第一，很多人以為瞓覺時身體不會消耗熱量，但實際上不，消化系統無分畫夜運作，身體仍在不斷使用能量。第二，好多人選擇比較高脂高熱量的小食做宵夜，例如杯麵、糖水、朱古力，久而久之，熱量攝除過多，就有致肥情況。Lillian表示，.只要每一餐都攝取到我們所需的熱量，去支持精神和身體，不過量就無問題。不存在早上要食得好，晚上要食得少的情況。不過，雖然臨瞓進食唔一定致肥，但都會增加腸胃負擔，容易胃酸倒流，所以建議瞓前兩三小時，唔好食嘢。
記者：李聰
想輕輕鬆鬆健康?，記住留意健康蘋台
http://health.appledaily.com.hk/