滙控（005）業績公佈前，市場普遍擔心，英國脫歐可能震親滙控，尤其經濟、樓市、減息等，令滙控業績受挫，不過，業績一出，業績姓咩都唔記得，大家目光全數被「回購」兩個字吸引，投資者瘋狂追捧滙控，由上周三公佈回購起，滙控至今已經累升超過10%！
不過，人稱「沈大師」的訊匯證券行政總裁沈振盈認為，市場盲目炒高滙控股價，回購股份或佔總發行股本1-2%，佔比不大，回購對滙控股價利好已反映，現水平尚算合理，不建議投資者再買入；若計及未來1-2年中港經濟轉差，他直言不看好滙控業績，滙控股價只值40元左右。
滙控在業績後委託高盛在倫敦掃貨，出手回購兩次共288萬股，斥資約1.54億港元，佔回購總額25億美元（約195億港元）只有不足0.8%，然而市場無理會回購對股價影響，預先炒高超過一成。滙控在回購股份後並不會注銷，而是以庫存方式持有股份，不會分派股息，旨在減少股票數量，從而增加每股盈利。
沈振盈指滙控目前股價升幅唔合理，「回購為咗咩先？如果單純為掃高股價，我會懷疑（滙控）高層的能力，買夠股價就會跌返落嚟！」他指股價飆升，不利回購，因為滙控以低價回購，才能注銷最多股票，對股東作出最大回報。
有基金經理稱，滙控以回購代替派特別股息予小股東，是預留更多資金，為日後市況轉差作準備。一旦市況急促轉壞，滙控亦可暫停其回購計劃，將資金改作其他用途。